Зошто на твоето лице му треба СПФ крем во текот на целата година?

Кога ќе спомнеме грижа за кожата на лицето, она што веднаш треба да го знаете е дека СПФ кремот е вашиот најдобар пријател, во секое годишно време. 

Дали мислевте дека кремот со заштитен фактор е само за деновите поминати на плажа, под врелото сонце? Ајде, размислете повторно! 

СПФ кремот треба да биде дел од секојдневната рутина за лице, без разлика кој месец е и какво е времето надвор. Еве зошто.

СПФ Кремот НЕ Е само за заштита од сончање

Деновите кога не е сончево, многу е лесно да се прескокне нанесувањето на СПФ крем. А и веројатно не сте се ни сетиле дека треба да ставите СПФ бидејќи сте сигурни дека нема да изгорете. Но, она што не го знаете е дека ултравиолетовите зраци се доста подмолни. 

Сонцето праќа три типови на ултра виолетови зраци кон нас: C, B и A. Ултравиолетовите зраци – C (UVC)  ги блокира озонската обвивка, па тие не ни стигнуваат до нас. Но, не се радувајте предвреме – ултравиолетовите зраци B (UVB) и ултравиолетовите зраци А (UVA) се цело време околу нас.
UVB зраците се 5% од севкупните УВ зраци кои стасуваат до нашата кожа и се одговорни за најочигледното оштетување на кожата – изгорениците од сончање, дури предизвикуваат и некои типови рак на кожата. 

Во однос на UVA зраците, тие се одговорни за најголемиот процент на УВ радијација што ја примаме. Долго време, луѓето мислеле дека UVA не предизвикувале многу штета, но денес повеќе од јасно е дека токму тие се главниот виновник за долготрајното оштетување на кожата, предвременото стареење, и  ракот на кожата. 

Зошто МОРА да користите СПФ крем во есен и зима?

Замислете: Се шетате низ паркот едно есенско попладне и го чувствувате студениот воздух на вашата кожа. Сонцето се крие зад облаците, а вие уживате во есенската идила изложувајќи ја кожата на лицето слободно без да се плашите дека може да изгорете. А помислата на СПФ крем? Ама, што ќе ви е СПФ кремот, нека прима кожата витамин Д уште малку пред да фати силниот студ! 

Сосема погрешно! 

Оние UVA зраци кои претходно ги спомнавме, се посилни од кога и да е – и, ја зрачат вашата кожа на лицето, тивко причинувајќи доолготрајно оштетување во облик на фини линии и темни кругови. Додека, во зима, снегот рефлектира 80% од UV светлина, задавајќи ѝ на вашата кожа двоен удар. 

Ете, поради овие причини, без разлика дали е есен или зима, вие морате да користите СПФ крем за да ја заштитете вашата кожа. 

Како да ја заштитете вашата кожа во секое време?

Прогнозата на времето може да биде променлива, но вашата СПФ рутина не смее да трпи промени, без разлика на климатските услови. На топлите сончеви денови, СПФ 30 е вашиот секојдневен херој. А, доколку сте излезени да уживате на снегот и поминувате подолго време надвор, земете СПФ 50. Нанесете го кремот на лицето, вратот и не ги заборавајте ушите! 

Ризиците од прескокнување на СПФ кремот

Прескокнувањето на СПФ кремот во текот на постудените месеци е исто како да излезете надвор без палто на студеното време. И дури и ако мислите дека не горете толку лесно во есен и зима, UVB зраците се сè уште околу вас предизвикувајќи суптилна, но трајна штета. 

И, се сеќавате на UVA зраците? Тие неуморно работат за да ви предизвикаат брчки и темни кругови на лицето. Некористењето СПФ крем значи ризик од распаѓање на колагенот, предвремено стареење и зголемена шанса за создавање рак на кожата. Само затоа што не можете да ја видите штетата веднаш, не значи дека таа не се случува.

Придобивките од редовна употреба на СПФ крем

Ако употребата на СПФ кремот е дел од вашата редовна рутина за нега на кожата на лицето, вие ѝ давате една заштитничка обвивка која помага при превенција не само од изгореници од сончање туку и од долготрајно оштетување. Со тек на време, вие ќе забележите како вашата кожа станува помека и помазна, како се намалило создавањето на фини линии и ќе се восхитувате на изедначениот тен на лицето. 

Исто така, редовната рутина со СПФ крем ќе ви помогне да ја зајакнете природната бариера на вашата кожа против суровите временски услови, така што веројатноста е помала да се борите против сувата, иритирана кожа во зима.

Зошто СПФ е најдобар против предвремено стареење?

Ако сакате да го забавите процесот на стареење на кожата, СПФ кремот е вашето тајно оружје. Заборавете на скапите козметички производи кои ветуваат чуда – 90% од видливото стареење на кожата е предизвикано од сонцето. Тоа значи дека брчките, виснатата кожа и темните дамки од кои се плашеме во голема мера може да се спречат со секојдневна употребана заштитен фактор.  

Бидејќи СПФ кремот ја заштитува вашата кожа и од UVB и UVA зраците, тој се смета за најдобар еликсир кој се бори против предвременото стареење. 

И, за крај

Без разлика дали е сончево летно попладне или студено зимско утро, вашата кожа заслужува нега со СПФ крем во текот на целата година. Нанесувањето заштитен фактор не гледајте го само како рутина, бидејќи тоа е една цела инвестиција во иднината на вашата кожа. Затоа, заштитете се, продолжете да сјаете и дозволете и на важата кожа да ви рече ФАЛА подоцна!